KARGEI ETA SALDOARI BURUZKO INFORMAZIOA (AURREZ ORDAINTZEKOA)

NOLA EGIN DEZAKET AURREZ ORDAINTZEKO NIRE ZENBAKIAREN KARGA BAT?

Lehenik, sartu gure kargen orrira:

Ondoren, kargatu soilik 3 urratsetan:

1.       Hautatu kargatu beharreko zenbatekoa eta idatzi kargatu nahi duzun telefono-zenbakia eta zure helbide elektronikoa

2.       Idatzi zure posta-helbidea

3.       Idatzi zure banku-txartelaren datuak eta egin ordainketa.

NON KARGATU DEZAKET NIRE TELEFONO-ZENBAKIAREN SALDOA?

• Kargatu gure web-orrian zordunketa- edo kreditu-txartel batekin

  (Visa eta Mastercard), hiru urrats errazetan eta zuk nahi duzunean.

• Yoigo dendetan.
• Beste establezimendu batzuetan

  : The Phone House dendak, telefonia-dendak, telefonotegiak, estankoak, gasolina-zerbitzuguneak, supermerkatuak, kioskoak eta abar

• Bankuan:

  kutxazainetan eta Interneteko bankan.
   

ZENBAT SALDO KARGATU DEZAKET EGUNEAN GEHIENEZ ETA GUTXIENEZ?

Nahi bezainbat karga egin ditzakezu, egunean 150 euro gehienez eta 5 euro gutxienez. Karga bakoitzak 5en multiploa izan beharko du (5, 10, 15, 20…).

NOLA KOBRATZEN DIDATE BEZ-A NIRE SALDOAREN KARGAN?

Karga bat egiten duzunean, zeharkako zergak (BEZa, IPSIa…) kentzen dizkizute; horregatik ikusiko duzu egin duzun karga kargatu duzuna baino txikiagoa dela. Ez kezkatu, normala da; karga egiten den unean kentzen dira zergak.

Kobratzen dizuguna kalkulatzeko, eragiketa erraz bat besterik ez duzu egin behar:

Jakin nahi duzu zenbat geratuko zaizun 10 euroko karga bat egiten baduzu?

• 10/1,21 = 8,26 euro izango litzateke BEZaren % 21a (Penintsulan eta Balearretan) kendu ondoren geratuko litzaidakeen saldoa
• 10/1,07 = 9,34 euro izango litzateke IGICaren % 7a (Kanarietan) kendu ondoren geratuko litzaidakeen saldoa

Bai erraza, ezta? Eta kargatu nahi duzun edozein zenbatekorekin egin dezakezu.

NIRE TELEFONOA KARGATU DUT ETA EZ ZAIT IRITSI SALDOA.

• Karga bat egin berri baduzu eta berrespen-mezua iritsi ez bazaizu, doan egiazta dezakezu zure saldo berria mugikorrean *111# markatuta.
• Karga Yoigo denda batean egin baduzu, han bertan itzul diezazukete, baldin eta saldoa erabiltzen hasi ez bazara eta karga egin zenuenetik 24 ordu baino gehiago igaro ez badira.
• Karga webgunearen bidez egin baduzu, jar zaitez harremanetan Bezeroarentzako Arreta Zerbitzuko taldearekin, eta lagunduko dizugu.
   

ZENBAKIZ NAHASI NAIZ KARGA EGITEAN.

Kargatu beharreko zenbakia adieraztean nahasi bazara, zure dirua berreskura dezakezu baldin eta:

• Karga Yoigo denda batean egin baduzu, han bertan itzul diezazukete, baldin eta saldoa erabiltzen hasi ez bazara eta karga egin zenuenetik 24 ordu baino gehiago igaro ez badira.
• Karga webgunean egin baduzu, jar zaitez harremanetan gurekin, eta lagunduko dizugu.

Karga beste edozein establezimendutan egin baduzu, ezin duzu berreskuratu karga.

NOLA KONTSULTATU DEZAKET NIRE SALDOA?

Aurrez ordaintzeko linea bat baduzu, oso erraza da zure saldoa kontsultatzea; zenbait modutan egin dezakezu:
 

• Zure mugikorrean *111# markatu eta gero deitzeko tekla sakatuta.
• Internet bidez zure Mi Yoigo Bezeroaren Gunean
• Gainera, kontsumoren bat egiten duzunean, erabilgarri geratzen zaizun saldoa adieraziko dizun jakinarazpen automatiko bat jasoko duzu.
   

IRAUNGITZEN AL DA NIRE SALDOA?

Ez, zure linea aktibo mantentzen duzun bitartean.  

90 egun igaro eta kargarik egin ez baduzu, zure txartela behin-behinean desaktibatuko da. Karga bat egiteko 15 egun izango dituzu, behin-behineko desaktibazioaren egunetik aurrera. Kargaren bat egiten baduzu, zure linea automatikoki aktibatuko da berriz. 15 eguneko epea igaro eta kargarik egin ez baduzu, linea behin betiko desaktibatuko da, eta ezin izango da berriz aktibatu.

Berreskuratu dezaket saldoa nire linea iraungi bada?

Bai, kontratua iraungitzean dirua itzultzeko eskatu ahal izango duzu aldeko saldoa izanez gero. Horretarako, jarri harremanetan Bezeroarentzako Arreta Zerbitzuarekin, 622 telefono-zenbakira deituta.
 

ERLAZIONATUTAKO EDUKIA

• Saldo-eskualdatzea / Saldo-aurrerakina